(E plotësuar)- Familjarë, miq dhe qytetarë të shumtë janë mbledhur në Shtëpinë e kulturës në Mitrovicë për t’i dhënë lamtumirën e fundit aktorit Blerim Peci, i cili sot ndërroi jetë nga sëmundja në mëlçi.
Aktori, i cili i dha shumë skenës artistike në Kosovë, ka lënë prapa tij gruan Afërditën, me të cilin edhe kanë realizuar emisionin “Vikendi” dhe dy fëmijët e tij.
Ndryshe, varrimi i të ndjerit bëhet sot në ora 16:00 në varrezat e qytetit të Mitrovicës.
Nisin homazhet në nderim të Blerim Pecit
Në Qendrën e Kulturës në Mitrovicë, kanë filluar homazhet në nderim të aktorit të njohur Blerim Peci.
Homazhet do të zgjasin deri në orën 15:00. Ndërsa, ai do të varroset në 16:00, në Mitrovicë.
Aktori i njohur Blerim Peci, ka vdekur sot në orët e hershmet mëngjesit.
Peci njiheh si njëri prej humoristëve më të pëlqyer në vend. Ai karrierën e pati nisur në emisionin “Show Meselation”. Ndërsa në vitet e fundit aktori ka qenë pjesë e emisionit humoristik “Vikendi” i cili është transmetuar në televizionin publik.
