Hysen Durmishi është anëtari i radhës i Vetëvendosjes që ka shprehur publikisht mendimin e tij rreth përçarjes që u publikua dje e që duket se është mes Albin Kurtit dhe një grupi tjetër të anëtarëve që duket se janë në anën e Dardan Molliqajt.
Skandali u zbulua kur dikush nga deputetët e VV-së zbuloi për mediat një pjesë të bisedës brenda një grupi në Viber, duke nënvizuar mesazhin ku Aida Dërguti ofendonte Kurtin.
Durmishi, përmes Facebookut, ka thënë që VV’ja është e ndërtuar mbi disa parime dhe të gjithë njerëzit që mendojnë njëjtë mund t’i bashkohen, ashtu siç nuk janë të mirëpritur personat që nuk ndajnë këto ide dhe parime.Më poshtë publikimi i plotë.Në Lëvizjen VETËVENDOSJE!, gjatë këtyre viteve kemi pritur shumë e disa edhe i kemi përcjellur.
Mirë se të vijnë të gjithë ata që pajtohen me programin tonë politik, alternativen tonë qeverisëse. Mirë se të vijnë të gjithë ata që besojnë në parimet e konceptin tonë politik. Mirë se të vijnë të gjithë ata që besojnë në frymën e idenë e vetëvendosjes, të ndërtuar me djersë e me gjak, me mund e me sakrificë, nga Albini me shoqe e me shokë.
Natyrisht rruga e mbarë të gjithë të tjerëve që nuk besojnë në ato që u thanë më lart.