Nga sot ka nisur fushata zgjedhore për komunën e Istogut. Komisioni Qendror i Zgjedhjeve ka dërguar këtë komunë në rivotim ndërmjet kandidatit të LDK-së, Haki Rugova dhe atij të AAK-së, Gani Dreshaj.
Zyrtari i LDK-së, Bajram Gecaj përmes një postimi në Facebook ka bërë thirrje që të mos votohen keqpërdoruesit. Madje sipas tij, për shkak të keqpërdorimeve të AAK-së, qytetarët e Istogut maltretohen të dalin sërish në zgjedhje.
Postimi i plotë:
MOS VOTONI KEQPËRDORUESIT!
KQZ njofton se numri i votuesve nga jashtë Kosovës për komunën e Istogut këtë herë është vetëm 85, krahasuar me 1356 sa ishin herën e kaluar. Fatkeqësia e gjithë kësaj është se, për shkak të keqpërdorimeve nga ana e AAK-së, qytetarët e Istogut duhet të maltretohen edhe një herë për të dalë në zgjedhje, por të cilat gjithsesi se prapë do ti fitoi partia e Ibrahim Rugovës./BS
