Zyrtari i LDK-së, Bajram Gecaj ka komentuar përqarjet e fundit në Lëvizjen Vetëvendosje, duke thënë se aty janë grumbulluar njerëz pa asnjë lloj kriteri.
Gecaj ka thënë se në mesin e tyre ka anarkistë, marksistë-leninistë, titistë, ish pjesëtarë të LPK, PDK, AAK, FER, Shoqërisë Civile, (b)analistë,...etj.
Postimi i plotë:
Mish-Mashi i LVV-së!
Grumbullimi i anëtarësisë pa asnjë lloj kriteri a parimi, si të ishte rëre që hidhet me lopatë në makinën e betonit, ka qenë e pashmangshme të shpërthejë një ditë...siç thotë populli, nuk përzihet “shapi e sheqeri”...vetëm shihni se çfarë ka në mesin e tyre: anarkistë, marksistë-leninistë, titistë, ish pjesëtarë të LPK, PDK, AAK, FER, Shoqërisë Civile, (b)analistë,...etj. etj...pra, në radhët e tyre ka hyrë bash kush ka dashtë, e posaçërisht të dështuarit në partitë a lëvizjet tjera! Tani na del se këta nuk paskan kapacitete as të “anarkistëve” e as të “brigadave të kuqe”, por se janë të zotët vetëm në mashtrim e propagandë.