Me rastin e 54 vjetorit të Pavarësisë së Republikës së Kenias, zëvendëskryeministri dhe ministri i Jashtëm, Behgjet Pacolli ka uruar popullin kenian dhe homologen e tij nga ky shtet, ministren e Jashtme, Amina Mohamed.
“Në emër të Presidentit Thaçi dhe qytetarëve të Republikës së Kosovës, dëshirojë t’ju përcjellë urimet më të sinqerta Juve dhe popullit Tuaj, përderisa Ju shënoni 54 vjetorin e Pavarësisë së kombit Tuaj më 12 Dhjetor, 2017.
Le të shërbejë Dita e Jamhuri-it dhe përvjetori ynë jubilar i dhjetë vjerorit të Ditës së Pavarësisë së Kosovës si një pikënisje për hapjen e portave të reja të bashkëpunimit në mes dy vendeve dhe dy popujve”, ka thënë ministri i Jashtëm Pacolli në urimin e tij.