Pak minuta më parë ka përfunduar ceremonia përkujtimore e rënies së 19 vjetorit të Mujë Krasniqit dhe bashkëluftëtarëve të tij.
Në këtë ceremoni kanë folur personalitete të ndryshme, përfshirë edhe kryeministrin Ramush Haradinaj, të cilët kanë vlerësuar lart sakrificën e komandant Mujë Krasniqit dhe bashkëluftëtarëve të tij për lirinë e Kosovës.
Në ceremoni ishte i pranishëm edhe babai i Mujë Krasniqit, Halil Krasniqi i cili ka thënë në Info Magazine se kjo ceremoni për të birin e tij ishte ndër më të mirat të organizuara.
“Gjithë kanë qenë të mira, por sikur sot, nuk kanë qenë, të gjithë kanë thënë të vërtetën për Mujën dhe UÇK-në”.
Ai ka folur edhe për kullën e të birit të tij, dëshmorit Mujë Krasniqi, që asnjëherë, nuk është ndërtuar.
“Premtuan që do t’i bëjnë të dyja, kanë thënë “po,po” por nuk u bë”.
“Nuk jam kundër, le ta bëjnë kur ta bëjnë, e bëjnë me sukses qysh është dashur të bëhet më herët”.
“Këto që janë folur sot janë shumë të mira, por duhet me u kry puna, e jo me fjalë”.
Babai i dëshmorit Krasniqi është shprehur i zemëruar me beneficionet financiare të atyre që kanë qenë në luftë dhe janë familjarë të dëshmorëve të rënë për liri.
“Jam i lënduar pse kjo Qeveri, ky Parlament, UÇK-në, dëshmorin me e lënë me social, a e dini sa i merr Alia që ka qenë në luftë me Mujën, 70 euro e 30 cent”.
“Ku ka ushtari me i marri, njëri 70 euro social, e tjetri me marr rrogën e plotë”, ka përfunduar ai.
