Deputetja e Lëvizjes Vetëvendosje Albulena Haxhiu, ka bërë të ditur se bashkë me deputetin Sami Kurteshi dhe Saranda Bugujevci, kanë vizituar në burgun e Dubravës, deputetin Frashër Krasniqi dhe aktivistët, Egzon Haliti dhe Atdhe Arifin.
Këta të fundit, janë dënuar nga gjykata e shkallës së parë për terrorizëm në rastin e gjuajtës me granatë dore, objektin e Kuvendit të Kosovës.
Haxhiu në postimin e saj në Facebook, ka thënë se aktivistët u kanë dhënë forcë dhe vullnet për të vazhduar më tutje, përcjell Bota sot.
Postimi i plotë:
Sot, në cilësinë e anëtarëve të Komisionit, vizituam Qendrën Korrektuese në Dubravë.
Aty u njoftuam me kërkesat e të burgosurve por po ashtu takuam Egzonin, Frashërin dhe Atdheun të cilët u dënuan padrejtësisht dhe pa asnjë provë!
Ata na dhanë edhe më shumë forcë e vullnet për të vazhduar tutje!
#Liripëraktivistët
#DrejtësipërAstritin/BS
