Kryesuesi i Këshillit, Hydajet Hyseni, ka folur për herë të parë për të dyshuarin për terrorizëm, Sadri Ramabajën, i cili ka disa muaj që gjendet në paraburgim.
Kryesuesi Hyseni megjithatë thotë se Ramabaja është burgosur nga ana e pushtetit, ani se Gjykata e Apelit në tetor të këtij vitit ka vendosur që ta lë në paraburgim Ramabajën, i dyshuar për përgatitje të vrasjeve të përfaqësuesve të lartë të Kosovës.
Sadri Ramabaja po dyshohet nga ana e Prokurorisë Speciale e Republikës së Kosovës (PSRK) për veprën penale “vrasje e përfaqësuesve të lartë të Republikës së Kosovës”, nga neni 126 lidhur me nenin 34 të Kodit Penal të RKS-së dhe “përgatitje e veprave terroriste ose veprave penale kundër rendit kushtetues dhe sigurisë së RKS-së” nga neni 144 i të njëjtit ligj.
Ndryshe, Ramabaja më 7 tetor ishte arrestuar nga Policia Shqiptare në Durrës, ku sipas kësaj të fundit, ai po tentonte të udhëtonte drejt Italisë. Ndalimin e tij në pikën kufitare të Durrësit, e pati konfirmuar edhe Policia e Kosovës.
