Kryeministri i vendit Ramush Haradinaj, ia ka dorëzuar raportin 100-ditor kryetarit të Kuvendit Kadri Veseli.
Kreu i Qeverisë ka falënderuar Veselin për mbështetjen duke thënë se këto 100 ditë nuk kanë qenë të lehta.
Ndërsa Veseli tha se është një 100-ditësh me sfida, derisa shtoi se qytetarët presin sinqeritet nga ta.
Ai vlerësoi se ky raport koincidon me nënshkrimin e kontratës për ndërtimin e termocentralit Kosova e Re.
Veseli tha se është nevojë e qytetarëve për të lëvizur pa viza, duke u zotuar se do të gjejnë rrugëzgjidhje edhe për demarkacionin.
Ndërsa Haradinaj tha se për liberalizimin e vizave po punojnë çdo ditë.