Ambasadori Amerikan është parë tek qëndron në hollin e Kuvendit të Kosovës pak minuta pasi në ambientet e kuvendit është nisur iniciativa për rrëzimin e ligjit për gjykatën special.
Në seancën e kuvendit deputetët kanë nisur iniciativën për mbledhjen e 40 nënshkrimeve për të nisur nismën ligjore. Pak minuta pas kësaj nisme Delawie është parë tek kontakton me deputetë ndërsa nuk ka dhënë deklarata për media.
Delawie përmes Twitter-it, u shpreh i zhgënjyer nga kjo tentativë duke përmendur edhe kontributin e SHBA-ve në sukseset e Kosovës.
“Ne nuk kemi investuar me kaq përkushtim për suksesin e Kosovës, për ta parë teksa shkatërron të ardhmen e vet duke e zhbërë ligjin për Gjykatën Speciale”, shkroi ai në Twitter.
Organizata e Veteranëve të luftës këto ditë ka nisur të mbledhë nënshkrime për një peticion, në të cilin kërkohet që të shfuqizohet ligji për formimin e Gjykatës Speciale, raporton kallxo.
Gjykata Speciale tani e formuar, pritet që të gjykojë krimet e luftës të kryera në territorin e Kosovës.
