Pasi në media u publikua lajmi që Ramush Haradinajt i është refuzuar viza nga Amerika, publicistja Kimete Berisha, përmes një postimi në facebook, ka komentuar këtë.
“Lexojani statusin burrit të saj lidhur me vizën qe u tha nga portalet se ia ka refuzuar Amerika, pashë Zotim lexo qysh i personalizon bombardimet e NATO-s dhe Amerikës me trupin e tij. Dhe thotë se është duke pritur viz?n, si atë natë kur i ka pritë bombarimet ndaj Serbisë. Baca Shekspir. Thotë se kurrë nuk ia harron Amerikës këtë të mirë që ka bë, prandaj e meriton vizën. Thuajse Amerika ka intervenu me pshtu Rambon prej Serbisë e jo popullin”, ka shkruar Berisha.
Ajo ndër tjera ka shkruar se Haradinaj, tash për Dautin e jep Amerikën.
“Ti që paske qenë kaq i fortë pse s'na çlirojshe pa u bë myftjaq për Amerikën. Tash që t'ka çliru Amerika, u bë halli yt me ja kthy fjalën Amerikës që të ka çliru edhe ty edhe Hashimin e Kadrinë, baras me popullin. Tash e jep Amerikën për Dautin. Ti e jep Amerikën, se është larg, ama Bondsteellin e ke brenda, kryeministër i një shteti me ushtri të huaj”, ka shkruar Berisha në faqen e saj në facebook, përcjellë “Bota sot”.