Presidenti i Kosovës, Hashim Thaçi sikurse vitin e kaluar edhe këtë vit ka marrë ftesë për të qenë i pranishëm në Lutjet e Mëngjesit që më 4 shkurt mbahen në Uashington.
Zyra për informim e Presidentit ka thënë se presidenti Thaçi është i pajisur me vizë amerikane.
“Presidenti është i pajisur me vizë amerikane, por për shkak të agjendës së ngarkuar ende nuk e ka konfirmuar pjesëmarrjen”, ka thënë Zyra e Presidentit.
Ftesë për të marrë pjesë në Lutjet e Mëngjesit kanë edhe kryeministri Ramush Haradinaj dhe kryeparlamentari Kadri Veseli.
Kryeministrit Haradinaj i është refuzuar viza për SHBA, ndërkaq nuk dihet ende zyrtarisht nëse kryeparlamentari Veseli do të udhëtojë për të marrë pjesë në këtë ceremoni.