Rritja e pagës minimale automatikisht rrit pagat e veteranëve, Qeveria nuk ka buxhet

Aktuale

Rritja e pagës minimale automatikisht rrit pagat e veteranëve, Qeveria nuk ka buxhet

Më: 10 janar 2018 Në ora: 16:05
Foto ilustrim

Propozimi i Këshillit Ekonomik Social(KES) që paga minimale në Kosovë të rritet nga 170 në 250 euro mund ta rëndojë buxhetin e Kosovës pasi që nëse ndodh kjo automatikisht 36 mijë veteranët e luftës do të marrin benifiiconet sipas pagës minimale ashtu siç edhe është përcaktuar me ligj.

Për të paguar 36 mijë veteranët me pagën minimale prej 250 eurove buxhetit të Kosovës i duhen edhe 100 milionë euro shtesë të cilat nuk janë paraparë me buxhetin aktual.

Këtë propozim të Këshillit Ekonomik Social Qeveria po e trajton me shumë kujdes duke shtuar se nëse kjo ndodhë ka një kosto të lartë buxhetore e cila nuk është e paraparë me buxhet.

Këshilltari politik dhe për çështje ekonomike i kryeministrit, Haki Shatri ka thënë për KosovaPress  janë duke i trajtuar të gjitha aspektet pozitive dhe anët negative të këtij veprimi nga KES-i dhe Ministria e Punës dhe Mirëqenies Sociale. 

Shatri: Paga minimale nuk është paraparë në buxhet për këtë vit

“Kategoritë e dala prej luftës, veteranët, të cilët e kanë të ndërlidhur pensionin e tyre me pagën minimale, pra, automatikisht një vendim i ri implikon një rritje, e ajo rritje për 36 mijë veteranë të cilët zyrtarisht pranojnë pensione dhe nëse rritet kjo(paga minimale), është një rritje e lartë që nuk është paraparë në buxhet për këtë vit dhe as në kornizën buxhetore. Sepse potenciali buxhetor i yni është shumë i limituar, fatkeqësisht”, ka thënë Shatri.

Ai ka shtuar se me buxhetin për vitin 2018 mezi kanë siguruar mjetet për 36 mijë veteranë me pagën prej 170 euro, dhe sipas Shatrit një rritje tjetër gjunjëzon Ministrinë e Financave.

Shatri: Me pagën minimale kërkohen edhe 30 milionë euro

“Kjo rritje prej 170 në 250… që bie prej 100 milionë në 130, ose 30 përqind… Këtë vit mezi është mbërri që të sigurohen mjetet e nevojshme për ta mbuluar në këtë nivel që është tani. Një rritje tjetër do ta gjunjëzonte Ministrinë e Financave para një vendimi të tillë”, ka theksuar Shatri.

KosovaPress ka tentuar që të marr një përgjigje edhe nga Ministria e Punës, si pjesë e KES por të njëjtit nuk janë përgjigjur.

 Propozimi që të rritet paga minimale KES-i, sipas kryetarit të Bashkimit të Sindikatave të Pavarura të Kosovës e ka marrë duke u bazuar shportën familjare ndonëse të vetëdijshëm se kjo e  ka një kosto të lartë.

 Avni Ajdini tha për Kosovapress se nuk tërhiqen nga ky propozim-vendim pasi që sipas tij  edhe ministri i Punës Skënder Reçica ka thënë se ka siguruar një fond dhe nuk do të jetë pengesë për sigurimin e mjeteve për veteranët. 

Ajdini: Me pagën minimale përfshihen punëtorët, pensionistët dhe veteranët

“Kjo ndikon në sektorin privat më tepër, duke përfshirë edhe pensionistët dhe pagën e luftëtarëve. Unë nuk kam dyshim që nuk kalon kjo(vendimi  KES për pagën minimale), absolut ka me kalue. KES-in e udhëheq ministri i Punës dhe aty është marr vendimi, por  tash përgatitja e proceduarve është për në Qeveri dhe Qeveria do ta aprovojë. Çdo gjë që implementohet  do të ketë kosto”, ka thënë Ajdini.

Ai ka treguar se Kosova e ka pagën minimale më të voglën në rajon. Në Mal të Zi paga minimale është 288 euro, në Maqedoni 253 euro, ndërsa edhe Serbia e ka pagën mbi 250 euro. 

Ndryshe, KES  më 28 dhjetor i ka propozuar Qeverisë pagën minimale 250 euro ku ky propozim ka marrë miratimin e të gjithë partnerëve të Këshillit Ekonomik Social. Kundër këtij propozimi ka dal edhe Oda Ekonomike Amerikane. 

commentFirst article
Sot mund të lexoni Shfletoni kopertinat