Analisti politik, Azem Vllasi, ka thënë se Ivanoviqi me partinë e tij i kishte penguar shtetit serb, pasi që po i bënte konkurencë “Listës Serbe”.
Sipas Vllasit, Ivanoviqi nuk ishte i besueshëm as për shtetin e Kosovës, dhe e donte Serbinë si çdo serb tjetër.
“Ivanoviqi ka qenë person non-grata për shtetin e Serbisë për arsye që ai me partinë e tij i kishte bërë konkurencë Listës Serbe, dhe kjo nuk i ka konvenuar Beogradit, pasi ata dëshironin të kishin vetëm një listë që do të udhëheqte me dhjetë komunat. Gjuha linçuese iu ka paraprirë akteve siç ka ndodhur ky i sotit” ka deklaruar Vllasi.
Vllasi ka thënë se deklaratat linçuese të Marko Gjuriqit do të duhet të fillojnë të hetohen. Sipas tij prapa vrasjes së tij qëndrojnë çarçet serbe.