Kryetari i Lidhjes Demokratike të Kosovës, Isa Mustafa, ditëve të fundit është përballur me disa probleme shëndetësore, për çka edhe është dërguar në Gjermani për të kryer disa ekzaminime dhe trajtime të nevojshme të cilat nuk mund të kryhen në Kosovë.
Nënkryetari i Lidhjes Demokratike të Kosovës (LDK), Haki Rugova njëherit edhe kryetar i Istogut, për “Bota sot” ka deklaruar se gjendja shëndetësore e Isa Mustafës tani është stabile.
“Kryetari Isa Mustafa tashme ka arritur në Gjermani dhe është mirë. Pra gjendja e tij shëndetësore është stabile”, tha kryetari i Istogut për “Bota sot”.
Ai tregoi se për shkak të ekzaminimeve dhe trajtimeve shëndetësore, kryetari i Lidhjes Demokratike të Kosovës do të qëndrojë dy deri në tre javë në Gjermani.
“Për shkak të ekzaminimeve dhe trajtimeve shëndetësore besoj se Mustafa do të qëndrojë dy deri në tre javë dhe pastaj do ta kemi këtu. Po e përsërisë gjendja e tij është stabile, për këtë ju garantojë”, përfundoi Rugova.