Gjykata Themelore e Prishtinës i ka caktuar masën e arrestit shtëpiak prej 30 ditësh të dyshuarit me inicialet Xh.N. i cili dyshohet se është i përfshirë në incidentin ku mbeti i plagosur Islam Selimi, vëllai i deputetit Rexhep Selimi.
Lajmin për caktimin e masës së sigurisë për kallxo.com e konfirmoi, avokati i Xh.N, Leon Përlaska.
Plagosja e Selimit ka ndodhur me 19 janar të këtij viti në Komoran.
Lidhur me këtë rast, Policia e Kosovës njoftoi se kishte arrestuar si të dyshuar personin me iniciale Xh.N.
Të dielën Prokuroria kishte kërkuar masën e paraburgimit ndaj të dyshuarit.
