Kryeministri Ramush Haradinaj ka bërë të ditur që ka angazhuar dikë nga ekipi i tij që të bisedojë me Kryesinë e Kuvendit lidhur me kërkesën për iniciativën për shfuqizimin e Gjykatës Speciale.
Sipas tij qeveria ende nuk ka pranuar asnjë dokument zyrtar nga Kuvendi.
Haradinaj tha se roli i qeverisë lidhur me këtë çështje nuk është shumë i madh, pasi që kjo është iniciativë parlamentare.
Të gjitha procedurat do të ndiqen dhe secila ministri do të japë qëndrimin e saj rreth iniciativës për shfuqizimin e Speciales, bëri të ditur i pari i qeverisë.