Kryeministri Ramush Haradinaj është shprehur i habitur me prolongimin e çështjes së miratimit të demarkacionit në Kuvendin e Kosovës, duke thënë se Qeveria nuk ka çka të bëjë më shumë.
Ai këto komente i bëri pas takimit që zhvilloi me ministrin e Zhvillimit Ekonomik, Valdrin Lluka.
I pari i ekzekutivit ka deklaruar se lidhur me ratifikimin e demarkacionit Qeveria e Kosovës nuk ka çka të bëjë me shumë.
Haradinaj: Habitem pse Parlamenti ende nuk ka vendosur
“Për demarkacionin ne e kemi kryer unë habitna pse ende Parlamenti nuk vendos, e ka demarkacionin e kanë raportin janë të zgjedhur të popullit pse presin, votojeni jo po votojeni, pra qeveria e Kosovës nuk ka çka bënë më shumë besoni koleg e ka çuar në Parlament e kemi dërguar dorën e kemi dërguar raportin e ka parlamenti. Habitna pse grupet parlamentare atje që ankohen që thonë na ka izoluar qeveria, Ramushi ai tjetri, urdhëroni, lypeni votojeni, pra LDK-ja e ka, aty me votuar, tjerët e kanë me votuar, le ta lypin, le ta votojnë e jo me gjet argumente e me vonuar në pakufi. Dy vite e gjysmë e ka vonuar LDK-ja, e ka mbajt në sirtar nuk e ka nxjerr në votim, tash që e ka në Parlament prapë po e vonon, pra unë habitna në këtë logjikë”, tha Haradinaj.
