Ministri Beqaj merr pjesë në Lutjet e Mëngjesit në SHBA

Aktuale

Ministri Beqaj merr pjesë në Lutjet e Mëngjesit në SHBA

Më: 2 shkurt 2018 Në ora: 11:59
Besim Beqaj

Ministri i Ministrisë së Inovacionit dhe Ndërmarrësisë, Besim Beqaj, javën e ardhshme do të udhëtojë në Shtetet e Bashkuara të Amerikës, ku do të marrë pjesë në Lutjet e Mëngjesit, si dhe do të ketë një varg takimesh të rëndësishme me qëllim të thellimit të bashkëpunimit dhe shkëmbimit të përvojave dhe mbështetjes amerikane në fushën e inovacionit dhe ndërmarrësisë, njofton komunikata nga Ministria e Inovacionit dhe Ndërmarrësisë.

Sipas komunikatës, Beqaj gjatë qëndrimit në SHBA do të vizitojë Universitetin “James Madison”, ku do të takojë presidentin e këtij universiteti, në veçanti departamentin për Inovacion dhe Ndërmarrësi. Ai do të ketë takime shumë të rëndësishme edhe me përfaqësues të Departamentit Amerikan të Shtetit, Bankës Botërore, USAID-it, si dhe me përfaqësues të Odës Ekonomike të Shteteve të Bashkuara të Amerikës.

Beqaj gjatë vizitës në SHBA do të promovojë Ministrinë e Inovacionit dhe Ndërmarrësisë, do të kërkojë mbështetje në fushën e konsulencës dhe në aspekte të tjera që do të ndihmonin në realizimin e objektivave të MIN, si dhe do të marrë përvojat amerikane në funksionimin e Qendrave të Inovacionit dhe Ndërmarrësisë. 

commentFirst article
Sot mund të lexoni Shfletoni kopertinat