Raportuesi për Kosovën në Parlamentin Evropian, Igor Soltes ka thënë se Kosova e humbur trenin për liberalizimin e vizave deri në vitin 2019.
Ndërsa, kryeministri i vendit Ramush Haradinaj, kishte premtuar liberalizim të vizave për qytetarët e Kosovës, vetëm 3 muaj pasi të merrte qeverisjen e vendit.
E për gjithë këtë, ish këshilltari i ish kryeministrit Isa Mustafa, Bajram Gecaj, ka thënë se qytetarët duhet t’ia zënë derën kryeministrit për premtimin për vizat që kishte bërë, arsye për çka e kishte rrëzuar qeverinë, përcjell Bota sot.
Postimi i plotë:
E tash popull duhet me ja zënë derën Ramushit që i kishte premtuar vizat për tre muaj, si dhe Hashimit e Kadrisë pse e rrëzuan qeverinë më të mirë të pasluftës për të krijuar më të mbrapshtën, mu në pretekstin e demarkacionit dhe liberalizimit të vizave!