Kryeministri i Kosovës, Ramush Haradinaj, gjatë qëndrimit të tij në Shtetet e Bashkuara të Amerikës, ka takuar edhe miken e Kosovës, Madeleine Albright.
Haradinaj ka publikuar foton me Albright, ku e falenderon në emër të secilit shtetas të Kosovës.
Postimi i Haradinajt:
Nder i veçantë ta takoj miken e çmuar të Kosovës, Madeleine Albright dhe drejtorin e NDI, Ken Wollack, me bashkëpunëtorë.
Zonja Albright bëri kaq shume për Kosovën dhe rrugën tonë drejt lirisë. Në luftë dhe në paqe, sekretarja e shtetit na ndihmoi, në momente kur kishim nevojë për ndihmën e një mikeje të vërtetë. Zonjës Albright ia shpreha falënderimin e secilit kosovar, që sot jeton i lirë, falë angazhimit të saj dhe miqve tanë.
Kosova përherë do të jetë falënderuese për përkrahjen e madhe të SHBA-së.