(E plotësuar) - Ndonëse takimi i Komisionit për Mbikëqyrjen e Agjencisë së Kosovës për Inteligjencë zgjati më shumë se një orë, asnjë nga anëtarët e këtij Komisioni nuk kanë deklaruar për media lidhur me atë se çka është diskutuar.
Kryetarja e këtij Komisioni, Donika Kadaj-Bujupi tha se takimi ishte i mbyllur dhe se nuk mund të ndaj informata se çka është diskutuar.
Bujupi: Nuk mundem të ndaj informatën sot me ju
"Ishte takim i mbyllur për media, rrjedhimisht nuk mundem të ndaj informatën sot me ju. Po ju them edhe një herë ishte takim i mbyllur. Faleminderit", tha ajo pas përfundimit të takimit.
Kadaj-Bujupi nuk është përgjigjur as në pyetjen nëse në këtë komision është diskutuar për vrasjen e një të riu nga Kosova në Siri, ashtu siç është raportuar dje në media.
Bujupi: Po të jepja informata për media sigurisht që ju do të ishit brenda
“Po të jepja informata për media sigurisht që ju do të ishit brenda, mirëpo meqë ishte takim i mbyllur do të mbetet i tillë”, tha ajo.
***
Asnjë nga anëtarët e Komisionit për Mbikëqyrjen e Agjencisë së Kosovës për Inteligjencë nuk kanë deklaruar lidhur me atë se çka është diskutuar sot në këtë komision.
Kryetarja e Komisionit për Mbikëqyrjen e Agjencisë së Kosovës për Inteligjencë, Donika Kadaj-Bujupi tha se takimi ishte i mbyllur dhe se nuk mund të ndaj informata se çka është diskutuar.
"Ishte takim i mbyllur për media, rrjedhimisht nuk mundem të ndaj informata më shumë. Po ju them edhe një herë ishte takim i mbyllur. Faleminderit", tha ajo pas përfundimit të takimit.
Kadaj-Bujupi nuk është përgjigjur as në pyetjen nëse në këtë komision është diskutuar për vrasjen e një të riu nga Kosova në Siri, ashtu siç kanë raportuar dje mediat.
