Bajram Gecaj i Lidhjes Demokratike të Kosovës përmes rrjetit të tij social “Facebook”, ka shkruar për vendosjen e flamurit shtetëror tek rrethi i Prishtinës.
Gecaj ka thënë se ai është pro që sheshi të valojë flamuri shtetërorë. Por sipas tij në qoftë se këtë veprim, duke e larguar flamuri kombëtar e duke e zëvendësuar me atë shtetëror do ta bënte LDK-ja, kryeministri aktual së bashku me ish-partnerët anarkistë tanimë të zbutur do t’ia ‘shtinin’ Kosovës flakën.
Postimi i plotë i Gecajt:
Unë personalisht jam pro që te sheshi të valojë flamuri shtetëror. Megjithatë, ky kryeministër së bashku me ish-partnerët anarkistë tanimë të zbutur, do t’ia shtinin Kosovës flakën po ta kishte bërë këte veprim qeveria e mëparshme e LDK-së, posaçërisht nëse kjo do të bëhej aq padinjitetshëm siç e bëri kjo qeveri: natën dhe pa asnjë ceremoni protokolare!