Presidenti i Kosovës, Hashim Thaçi, ka dhënë një intervistë për mediat serbe, ku ka thënë se e vërteta për vrasjen e Oliver Ivanoviqit do të zbulohet dhe se kjo e vërtetë mbase nuk do t’i pëlqejë dikujt.
“Hetimi për vrasjen e Oliver Ivanoviq vazhdon, deri më tani nuk ka indikacione që është një rast i motivuar etnikisht, por informacionet e para tregojnë për motive kriminale dhe mafioze”, ka pohuar Thaçi.
“Do të bashkëpunojmë me autoritetet serbe në mënyrë që të marrim informata adekuate dhe e vërteta do të dalë në shesh edhe në qoftë se dikujt do t’i dhembë”.
“Nuk mund të them më tej, ka edhe institucione relevante që do të japin rezultatet e tyre, por mund të ketë struktura kriminale që lidhen me qarqet e caktuara politike”, deklaroi presidenti.