Deputetja e VV-së, Albulena Haxhiu ka reaguar pas arritjes së marrëveshjes së re për demarkacion ndërmjet Kosovës dhe Malit të zi.
Haxhiu përmes Facebook-it ka kërkuar nga Kryeprokurori Aleksander Lumezi që të nisë menjëherë veprimet në përputhje me Kodin Penal të Republikës së Kosovës.
Postimi i plotë:
Hashim Thaçi është zotuar duke nënshkruar deklaratën e sotme me homologun malazez për angazhimin e tij në ratifikimin e marrëveshjes që falë territor.
Meqë në cilësinë e Presidentit Hashim Thaçi ka vepruar kësilloj, i bëj thirrje Kryeprokurorit Lumezi që të nisë menjëherë veprimet në përputhje me Kodin Penal të Republikës së Kosovës.
***
Kodi Penal i Republikës së Kosovës
Neni 124
Tradhtia ndaj vendit
2. Kushdo që në cilësinë e Presidentit të shtetit nënshkruan marrëveshje ndërkombëtare ose ndonjë akt me të cilin pjesë të territorit të Republikës së Kosovës jepen apo lihen nën sovranitetin e ndonjë shteti tjetër dënohen me burgim së paku pesëmbëdhjetë (15) vjet ose me burgim të përjetshëm.