Kryeministri i Kosovës, Ramush Haradinaj përmes një postimi në Facebook ka njoftuar për urimin që ka marrë nga kryeministri i Hungarisë, Viktor Orban, për pavarësinë e Kosovës.
Haradinaj shkruan se kryeministri Orban ka konfirmuar mbështetjen e shtetit hungarez për Kosovën.
Postimi i plotë:
Sot pranova urim nga Kryeministri i Hungarisë, Viktor Orban, përmes së cilit më uron për pavarësinë e Kosovës dhe për sukseset e jashtëzakonshme që kemi arritur për këto dhjetë vite shtetësi.
Kryeministri Orban konfirmon mbështetjen e shtetit hungarez për integrimin e Republikës së Kosovës në institucionet europiane.
Jemi krenarë për marrëdhëniet e shkëlqyeshme që kemi me Hungarinë dhe si Kosovë do të jemi në partneritet të ngushtë me shtetin mik.
RH
I dashur Kryeminister,
Jam i nderuar të Ju ofroj urimet e mia më të përzemërta me rastin e Ditës Kombëtare të Republikës së Kosovës.
Do të doja, poashtu, të ju përgëzoj për sukseset e jashtëzakonshme që keni arritur gjatë dhjetë viteve të shkuara. Konfirmoj që Hungaria mbetet e dedikuar në mbështetjen e synimeve tuaja për integrimin e Republikës së Kosovës në institucionet Europiane.
Kam kënaqësinë të theksoj që marrëdhëniet tona ekonomike, tregtare dhe kulturore, së fundi kanë shënuar rritje gjithnjë e më të fortë, dhe besoj fuqishëm se zgjerimi i mëtejmë i tyre është në interes të shteteve tona.
Shkëlqësi, duke ju uruar sukses në detyrën tuaj me përgjegjësi, ju lutem pranoni sigurinë e konsideratës sime më të lartë.
Sinqerisht,
Viktor Orban
Kryeminister i Hungarisë
