Ish-komandanti suprem i NATO-s për Europë nën urdhërat e të cilit janë ibombarduar caqet serbe gjatë vitit 1999, fushatë ajrore që çoi në lirinë e Kosovës, u ka dërguar një urim kosovarëve për 10 vjetrorin e pavarësisë.
Ai ka thënë se shqiptarët i mban mend si popullin më të guximshëm dhe më të qëndrueshëm në Europë.
“Popullin e Kosovës e mbaj në mend si ndër më të guximshmit dhe më të qëndrueshmit në Evropë dhe poashtu e mbaj në mend si popullin më pro-amerikan në Evropë. Tash kur po e festoni 10 vjetorin e pavarësisë, duhet ta kujtoni me shumë krenari atë që është arritur dhe nga ju duam të shikoni drejt asaj që mbetet për t’u bërë në të ardhmen – zhvillimi ekonomik, përmirësimi i marrëdhënieve me fqinjët, mposhtja e pasigurive të së kaluarës, izolimit, ndasive dhe shtypjeve etnike, të cilat kanë mbizotëruar me shekuj në Ballkan – për t’u bërë kështu prijës të Evropës së re. Të ardhmen e keni përpara. Keni popull shumë të mirë. Keni miq shumë të mirë në Shtetet e Bashkuara. Unë besoj në të ardhmen tuaj të ndritshme.” #Kosova10
