Veseli: Miqësia dhe partneriteti me SHBA-të, esencial për zhvillimin e Kosovës

Aktuale

Veseli: Miqësia dhe partneriteti me SHBA-të, esencial për zhvillimin e Kosovës

Më: 18 shkurt 2018 Në ora: 12:00
Kadri Veseli, ka pritur sot në takim Ndihmës Sekretarin e Mbrojtjes për Çështje të Sigurisë Ndërkombëtare të SHBA-ve, Robert Karem

Kryetari i Kuvendit të Kosovës, Kadri Veseli, ka pritur sot në takim Ndihmës Sekretarin e Mbrojtjes për Çështje të Sigurisë Ndërkombëtare të SHBA-ve, Robert Karem, i cili po qëndron në Kosovë në kuadër të kremtimit të 10-vjetorit të pavarësisë së Kosovës.

 Veseli dhe zyrtari i lartë amerikan diskutuan për zhvillimet aktuale në vendin për mbështetjen e gjithanshme të SHBA-së ndaj Kosovës dhe vazhdimin e bashkëpunimit e të miqësisë midis dy vendeve.

Veseli falënderoi Ndihmës Sekretarin Karem për përkrahjen që shteti Amerikan ka dhënë për Kosovën në kohë dhe rrethana të ndryshme, ndërsa shtroi nevojën për mbështetje të mëtejme dhe ruajtjen e fokusit për Kosovën në agjendat e politikës amerikane.

Veseli e njoftoi  Karem për arritjet e Kosovës gjatë dhjetë vjetëve të shtetësisë së saj, si në konsolidimin e brendshëm institucional e demokratik, ashtu edhe në forcimin e subjektivitetit ndërkombëtar, si shtet i cili çdo ditë e më shumë po zë vendin në skenë ndërkombëtare.

“Kosova dhe SHBA-të do të bashkëpunojnë ngushtë në agjendën e transformimit të FSK-së në Ushtri”, ka thënë Veseli. Diplomati amerikan, Karem, konfirmoi se SHBA-ja vazhdon të mbetet mbështetëse e fuqishme e të gjitha proceseve nëpër të cilat po kalon Kosova.

commentFirst article
Sot mund të lexoni Shfletoni kopertinat