Nënkryetari i LDK-së, Lutfi Haziri ka thënë se çfarëdo vendimi që LDK-ja nesër do të marr, do të jetë unike me të gjithë deputetët e saj.
Këto komente, Haziri i bëri në emisionin InfoBox, deri sa pozitës i tërhoqi vërejtjen duke kërkuar që të kenë parasysh Listën Serbe, pasi që serbët e Kosovës janë të liberalizuar.
Ai duke folur për të ardhmen e qeverisë, tha se nuk ka as ditë e as natë të sigurt për Qeverinë Haradinaj.
Madje, nënkryetari i LDK-së, tha se e para që do ta rrëzoj këtë qeveri, është vetë PDK-ja, që është brenda koalicionit.
Duke folur për gjendjen e kreut të LDK-së, Isa Mustafës, tha se është çështje javësh kur ai do të kthehet në Kosovë.
