Seanca për Demarkacionin me Malin e Zi do të mbahet të mërkurën në ora 10:00, pasi sot dështoi të mbahet.
LDK ka kërkuar që raporti i komisionit shtetëror të kryesuar nga Shpejtim Bulliqi, të përfshihet vetëm për orientim dhe jo të votohet si pjesë e marrëveshjes, raporton Bota sot.
Më poshtë, ne u sjellim të plotë Draft-Marrëveshjet, njëra e propozuar nga LDK dhe tjetra e propozuar nga AAK.
Version i LDK-së:
Neni 3
Pjesë përbërëse e këtij ligji janë:
1.1. Marrëveshja për Kufirin Shtetëror në mes të Republikës së Kosovës dhe Malit të Zi, e nënshkruar në Vjenën më datë 26 gusht 2015;
1.2. Deklarata e përbashkët e Presidentit të Republikës së Kosovës, SH.T.Z. Hashim Thaçi dhe Presidentit të Malit të Zi, SH.T.Z. Filip Vujanoviq, e datës 16.02.2018
1.3 Dokumentacioni zyrtar i Komisionit Shtetëror për Shënimin e Kufirit Shtetëror – për orientim.
Versioni i AAK-së
Neni 3
Pjesë përbërëse e këtij ligji për orientim janë:
1.1. Marrëveshja për Kufirin Shtetëror në mes të Republikës së Kosovës dhe Malit të Zi, e nënshkruar në Vjenën më datë 26 gusht 2015;
1.2. Deklarata e përbashkët e Presidentit të Republikës së Kosovës, SH.T.Z. Hashim Thaçi dhe Presidentit të Malit të Zi, SH.T.Z. Filip Vujanoviq, e datës 16.02.2018;
1.3. Dokumentacioni zyrtar i Komisionit Shtetëror për Shënimin e Kufirit Shtetëror.
