Detaje të reja për vdekjen e Oliver Ivanoviq

Aktuale

Detaje të reja për vdekjen e Oliver Ivanoviq

Më: 24 shkurt 2018 Në ora: 11:23
Oliver Ivanoviq

Ka kaluar më shumë se një muaj (16 janar) nga vrasja e Oliver Ivanoviq,  kreu i Iniciativës Qytetare Serbe, por ende nuk dihet se kush e kreu ekzekutimin e tij.

Por, gazeta serbe shkruan se tashmë janë zbuluar disa detaje rreth vrasjes së Ivanoviqit.

Një nga to është se Ivanoviq është qëlluar nga një pistoletë automatike dhe jo ashtu sic ishte thënë më herët që ishte qëlluar me një “nëntëshe”.

Sipas mediumit, burime të afërta me organet hetuese kanë treguar se Ivanoviq ditën e vrasjes ishte përcjellur nga shtëpia e tij e deri tek zyrat e partisë, ku edhe ndodhi vrasja.

Më pas, nga vetura e tipit “Opel Astra”, nga ulësja e pasme janë shkrepur plumbat të cilët kanë goditur gjoksin e Ivanoviqit.

Sipas autopsisë, Ivanoviq është goditur me gjashtë plumba të cilët kanë prekur organet vitale.

Ekzekutuesit, pas vrasjes së Ivanoviq, janë larguar me shpejtësi nga vendi i ngjarjes dhe vetura me të cilën janë larguar më pas është gjetur e djegur.

commentFirst article
Sot mund të lexoni Shfletoni kopertinat