Kritika të vazhdueshme ka ndaj presidentit të vendit Hashim Thaçi për punën e tij dy vjeçare dhe mendime nga me te ndryshmet se Hashim Thaçi nuk meriton te jetë president i Kosovës, për shkak se nuk shpreh unitet.
Thaçi është kritikuar vazhdimisht për fokusin e tij në interesa personale dhe partiake pasi që ai shpesh herë është fol se edhe po shkel Kushtetutën e Republikës se Kosovës.
Lidhur me këtë, deputeti i Vetëvendosjes Faton Topalli, ka thënë se të qenurit president sigurisht që është një nder i madh, por sigurisht vetëm për ata që e meritojnë, sepse në rastet tjera diçka e tillë mund të jetë shumë kontraproduktive dhe jo e dinjitetshëm për njeriun.
“Tek Presidenti Thaçi ka ndodhur kjo e dyta. Ai është një president i manovrave dhe pazareve politike, por jo figurë e unitetit siç e kërkon Kushtetuta e vendit e aq më pak një përfaqësues i denjë i vendit tonë. Duke qenë më shumë i fokusuara në interesat personale dhe partiake, madje këto partiake në rend të dytë, ai nuk arriti të bëhet kurrë figurë e unitetit dhe reprezentues i denjë i Republikës së Kosovës as brenda e as jashtë vendit”, ka thënë Topalli.
Sipas tij, nga shumë aktorë politik ai injorohet dhe nuk njihet si president i vendit, ku sipas tij kjo është e dhimbshme që në një vend, i cili ka aq shumë nevojë për figura unifikuese, mobilizuese, ka mbetur me një president formal.
