Haskuka komenton dorëheqjen e Shpend Ahmetit

Aktuale

Haskuka komenton dorëheqjen e Shpend Ahmetit

Më: 8 mars 2018 Në ora: 20:37
Vetëvendosja

Kryetari i vetëm i Komunës që i ka mbetur në udhëheqje Lëvizjes Vetëvendosje e që nuk i përket grupit të dorëhequrve, Mytaher Haskuka foli lidhur me dorëheqjen e Kryetarit të Prishtinës, Shpend Ahmetit nga kjo parti.

Kryetari i Prizrenit tha se dorëheqja e Ahmetit ka ndryshuar raportet e këtyre dyve por nuk beson që do të zbehë bashkëpunimin ndërkomunal.

“I kemi disa iniciativa që i kemi të përbashkëta dhe në këtë aspekt vazhdojmë në të gjitha komunat me të cilat mundemi me bashkëpunu, bashkëpunojmë nuk është problem, në unionin e Komunave Shqiptare. Normal që ka ndryshuar pak pasi nuk jemi partinë e njëjtë. Por në aspektin e bashkëpunimin në mes të Komunës së Prishtinës dhe Prizrenit, nuk shoh ndonjë problem”, tha Haskuka.

Ai po ashtu theksoi se Lëvizja Vetëvendosje është dëmtuar nga dorëheqjet e fundit pasi që sipas tij e kanë bërë më të vështirë synimin e LVV-së për ndryshim në Kosovë.

“Unë besoj që LVV ka qenë struktura e vetme për ndryshimin në Kosovë, tani ndryshimi është më problematik pasi ka ardhë deri te ndarja e forcave në njëfarë aspekti. Çdo person i cili largohet është dëmtim me njëfarë aspekti dhe normal që ka dëmtuar”,tha Haskuka.

Shpend Ahmeti ofroi dorëheqjen e tij nga Lëvizja Vetëvendosje mbrëmë.

commentFirst article
Sot mund të lexoni Shfletoni kopertinat