Deputeti i Lidhjes Demokratike të Kosovës, Lumir Abdixhiku, që është edhe kryetar i Komisionit për Buxhet dhe Financa në Kuvendin e Kosovës, ka numëruar disa prej shpenzimeve që janë bërë nga institucionet e vendit gjatë muajve të fundit.
Abdixhiku, në një shkrim në Facebook, ka thënë se për këtë, ai do të ftojë në raportim ministrin e Financave Bedri Hamza, që të tregojë se ku janë shpenzuar mjetet e rezervës këtë vit, përcjell Bota sot.
Postimi i plotë i Abdixhikut:
Pra,
- 1 milionë për pagesën e rrymës në Veri;
- 500 mijë euro për librin e Presidentit;
- 550 mijë euro për vitin e Skenderbeut;
- 700 mijë euro për shënimin e pavarësisë;
Ende pa kaluar 3 muaj, shpenzohet rezerva e shtetit për këtë vit. Miliona të shpërndara me lehtësi, pa prioritet e pa respekt ndaj gjendjes ekonomike në vend.
Do ta ftoj Ministrin e Financave në raportim, për të parë se si dhe ku janë shpenzuar mjetet e rezervës këtë vit.
