Ministri i Zhvillimit Ekonomik Valdrin Lluka pritet që sot të raportojë para deputetëve, anëtarë të Komisionit për Zhvillim Ekonomik.
Mbledhja është caktuar për orën 11:00 dhe e vetmja pikë e rendit të ditës është raportimi i ministrit Lluka.
Ministri Lluka javën që kaloi ishte kritikuar për ndërhyrje në punë nga ish drejtori i Trepçës Ahmet Tmava i cili edhe kishte deklaruar se po jep dorëheqje për shkak të ndërhyrjes në punë nga ana e ministrit.
Mirëpo ministri Lluka kishte sqaruar më pas se deklaratat e Tmavës nuk janë të vërteta dhe se atij i kishte skaduar kontrata e punës.
