Nga 24 mars - pa kodin telefonik +381

Aktuale

Nga 24 mars - pa kodin telefonik +381

Më: 20 mars 2018 Në ora: 16:24
Foto ilustrim

Telekomi i Kosovës njofton opinionin publik se në zbatim të planit të migrimit të hartuar nga ARKEP për implementimin e kodit shtetëror +383, nga data 24 mars 2018 do të largojë nga përdorimi kodin e vjetër +381.

Kodi +381 është përdorur nga Telekomi i Kosovës për telefoninë fikse që nga paslufta në mungesë të kodit shtetëror të Kosovës. Nga muaji shkurt i vitit të kaluar, Telekomi i Kosovës ka vënë në përdorim kodin shtetëror +383, paralelisht me kodin 381.

Marrëveshja e telekomunikcionit e arritur në mes të Republikës së Kosovës dhe Serbisë me ndërmjetësimin e Bashkimit Evropian, ka bërë të munduar që ITU, t’i caktojë/alokojë Kosovës kodin telefonik 383, duke specifikuar se ARKEP do të jetë administrues i vetëm i kodeve dhe do të komunikojë dhe koordinojë aktivitetet përkatëse me ITU-në.

Sipas kësaj marrëveshje, kodi telefonik +383, është kodi i vetëm telefonik që do të përdoret në Republikën e Kosovës pas periudhës kalimtare, respektivisht migruese të paraparë nga ARKEP, thuhet në komunikatë.

commentFirst article
Sot mund të lexoni Shfletoni kopertinat