Zëvendëskryeministri i parë i Kosovës, Behgjet Pacolli është takuar me homologun e tij belg Didier Reynders në Pallatin Egmont, me të cilin ka biseduar për intensifikimin e marrëdhënieve dypalëshe, veçanërisht në planin e shkëmbimeve tregtare.
Po ashtu në takim është biseduar edhe për zhvillimet rajonale dhe bashkëpunimin për anëtarësimin e Kosovës në organizatat ndërkombëtare.
“Shumë shpejt, vendet e BENELUX-it- një iniciativë e re ndaj vendeve të Ballkanit Perëndimor: vizita të ministrave të tyre të jashtëm dhe samit i përbashkët mes krerëve të shteteve në dy rajone me ngjashmëri, por dhe me diferenca të thella në zhvillim. Belgjika, Beneluksi, më pranë Kosovës!”, shkruan Pacolli në Facebook.
