Deputeti nga radhët e Lëvizjes Vetëvendosje, Xhelal Sveçla, pas hedhjes së gazit lotsjellës në Kuvendin e Kosovës është deklaruar se këtë e ka bërë se kanë obligim ndaj të kaluarës, të tashmes dhe të ardhmes.
Sveçla përmes një statusi në Facebook, ka shkruar se obligimi i tyre është të pasqyrojnë vullnetin e 205.000 nënshkrimeve kundër faljes së tokës.
“Është obligim i yni të përcjellim dhe të pasqyrojmë vullnetin e mbi 205.000 nënshkrimeve kundër faljes së tokës. Është obligim edhe ndaj të kaluarës, të tashmes dhe të ardhmes!” ka shkruar Sveçla në Facebook.
