Publicisti Bahri Cani në një postim në rrjetin social facebook me sarkazëm ka reaguar pas votimit të Demarkacionit dhe kushtit të plotësuar rreth liberalizmit të vizave.
Ja postimi i plotë:
"Familjare, miq dhe ju te tjerë: veç desha t'ju njoftoj se nesër ne mëngjes heeeeeret do ta ndërroj numrin e telefonit, do ta ndërroj adresën, banesën, qytetin, du me m’shel edhe faqen në FB... mos u nisni kot me ardh në Gjermani, se nuk jam k’sajde...!!!!!!!!!!
Tashti seriozisht:
Kosova ka plotësuar sot kushtin e parafundit për liberalizimin e vizave, ndërsa i fundit është luftimi i denjë i krimit të organizuar dhe korrupsionit. Një obligim shumë i rëndë për Kosovën, por i bëshëm. Shpresoj shumë që BE-ja më në fund do t'i jap Kosovës dhe shtetasve te saj dritën jeshile për lëvizje të lirë pa viza – më së largu deri në fund të vitit.Pra, pa frikë nuk do ta ndërroj as numrin e telefonit dhe as adresën... Jemi mikpritës në "schazat" more! E tashti nëse rastësisht qëllon që nuk jam këtu, s'kam çka me ju bo”, ka shkruar publicisti Bahri Cani.