“Shpresojmë që praktika të tilla të bashkëpunimit si ky me rastin e ratifikimit të kësaj marrëveshje të jenë tregues për të ardhmen. Tani vëmendja duhet përqëndruar në luftimin e krimit dhe korrupsionit. Presim që puna të vazhdojë në përmbushjen e këtij kriteri të fundit për liberalizimin e vizave”.
Përfaqësuesja e Bashkimit Europian në Kosovës, Nataliya Apostolova, ka thënë se ratifikimi i marrëveshjes për demarkimin e kufirit me Malin e Zi nga Kuvendi i Kosovës është një hap i rëndësishëm përpara për vendin dhe qytetarët.
Ajo ka deklaruar se vota për këtë marrëveshje tregoi vendosmërinë e Kosovës për të ndërtuar marrëdhënie të mira fqinjësore dhe hoqi kushtin e parafundit për liberalizimin e vizave për kosovarët.
Por Apostolova nuk ka lënë pa përmendur dhe dënuar përpjekjet e Lëvizjes Vetëvendosje që përmes gazit lotsjellës të pengojnë votimin e kësaj marrëveshje, duke theksuar se sjellje të tilla nuk kanë vend në politikën kosovare.
“Duam të urojmë ligjvënësit kosovarë për punën e bërë. Ka qenë e gjatë, me raste edhe pikëlluese, krejt kjo rrugë, por në fund rezultati ishte ai i duhuri për qytetarët e Kosovës”.
“Shpresojmë që praktika të tilla të bashkëpunimit si ky me rastin e ratifikimit të kësaj marrëveshje të jenë tregues për të ardhmen. Tani vëmendja duhet përqëndruar në luftimin e krimit dhe korrupsionit. Presim që puna të vazhdojë në përmbushjen e këtij kriteri të fundit për liberalizimin e vizave”.
