Deputetja e Kuvendit të Kosovës nga radhët e Partisë Demokratike të Kosovës, Blerta Deliu-Kodra, është treguar e bindur se qytetarët e Kosovës do të lëvizin pa viza brenda këtij viti.
“ Unë besoj që brenda këtij viti qytetarët e Kosovës do të lëvizin pa viza. Tashmë kushti kryesorë që ka qen është plotësuar. Qeveria e Kosovës është duke punuar që proceset që na presin tash të përfundojnë shpejt”, ka thënë ajo.
Deputetja e PDK’së ka thënë se është kërkuar që edhe Kuvendi i Kosovës dhe deputetet ti përfundojnë punët që kanë para vetës.
“ Sot është kërkuar që të punohet në mënyrë intensive. Është kërkuar që komision t’i përfundojnë punët e tyre dhe të mos bllokohet asgjë”, ka treguar ajo.
Ajo ka thënë se deputetët e kanë obligim që ti miratojnë ligjet dhe të punojnë për të mirën e qytetarëve të Kosovës.