(E plotësuar) - Ka përfunduar seanca dëgjimore për caktimin e masës për deputetët e Lëvizjes Vetëvendosje që hodhën gaz lotsjellës gjatë punimeve të seancës së Kuvendit të Kosovës.
Lajmin e ka bërë të ditur avokati i depuetit Sali Zyba, Nikë Shala, i cili ka thënë se seanca dëgjimore për deputetët e VV ka përfunduar, vendimi merret më vonë për deputetët e arrestuar të mërkurën.
Deputetët e arrestuar janë; Arbërie Nagavci, Drita Millaku, Fitore Pacolli, Liburn Aliu, Valon Ramadani, Salih Zyba dhe Xhelal Sveçla, të cilët hodhën gaz katër herë duke tentuar ta pamundësojnë votimin e marrëveshjes për demarkacion.
Gjyqtari Agim Kuqi ka bërë të ditur se kjo seancë është e mbyllur për media, përderisa dihet se Prokuroria ka kërkuar paraburgim për deputetët, ndërsa Vetëvendosja lirimin e tyre.
Deputetët e VV-së dalin para gjykatës
Ka filluar seanca dëgjimore për caktimin e masës për deputetët e Lëvizjes Vetëvendosje që hodhën gaz lotsjellës gjatë punimeve të seancës së Kuvendit të Kosovës.
Deputetët e arrestuar janë; Arbërie Nagavci, Drita Millaku, Fitore Pacolli, Liburn Aliu, Valon Ramadani, Salih Zyba dhe Xhelal Sveçla.
Gjyqtari Agim Kuqi ka bërë të ditur se kjo seancë është e mbyllur për media.
Atë ditë deputetët e Vetëvendosjes hodhën gaz katër herë duke tentuar ta pamundësojnë votimin e marrëveshjes për demarkacion.
