Ministri i Punëve të Brendshme, Flamur Sefaj ka deklaruar se një bashkëpunim i vazhdueshëm ndërkombëtar i Policisë së Kosovës me autoritetet policore të shteteve të ndryshme të rajonit duke përfshirë edhe Slloveninë, nën asistimin dhe koordinimin e EUROPOL-it, ka rezultuar me një operacion të suksesshëm policor në luftën kundër kontrabandës me migrantë.
“Lufta kundër krimit të organizuar dhe korrupsionit mbetet prioritet i institucioneve të Republikës së Kosovës. Ky operacion tregon edhe një herë së anëtarësimi i Kosovës në Interpol dhe organizata tjera të sigurisë është i domosdoshëm, dhe ky proces nuk është politik por i rëndësisë operacional/policor”, ka shkruar ai në facebook.
