Kryeministri i Republikës, Ramush Haradinaj ka reaguar pas intervenimit të Shteteve të Bashkuara të Amerikës, Mbretërisë së Bashkuar dhe Francës në Siri.
Nëpërmjet rrjetit shoqëror ka thënë se Kosova e përkrah këtë intervenimin për ta ndalur regjimin e Asadit në Siri.
“Kosova i qëndron në krah intervenimit të aleatëve euroatlantik për ta ndalur regjimin e Asadit në Siri. Sulmet me armë kimike ndaj civilëve të pafajshëm janë të pafalshme dhe përpjekja e vendeve demokratike për të vendosur paqe në këtë vend është veprim tejet i nevojshëm”, ka shkruar Haradinaj në “Facebook”.
