Pas publikimit të Raportit të Progresit, ka reaguar raportuesi për Kosovën në PE, Igor Sholtes. Në disa postime në twitter, Sholtes ka kërkuar nga Kosova luftimin e korrupsionit dhe vazhdimin e dialogut me Serbinë.
“Pavarësisht përmbajtjes së raportit të progresit që u publikua sot, është e rëndësishme për Qeverinë e Kosovës të vazhdojë reforma që tashmë kanë filluar t’i zbatojë dhe të fokusojë energjinë e saj në implementimin e reformave dhe gjithashtu t’i praktikojnë ato”, ka deklaruar Sholtes.
Raportuesi për Kosovën gjithashtu ka bërë thirrje të vazhdohet në plotësimin e kushteve të vëna nga BE.
“Është e rëndësishme të vazhdohet lufta kundër korrupsionit dhe krimit të organizuar, dhe po ashtu t’i rriten përpjekjet për të pasur një sistem ligjor të pavarur”.
“Për stabilitet në rajon është tejet e rëndësishme që të vazhdohet dialogu mes Beogradin dhe Prishtinën në mënyrë konsistente dhe të qetë”, thuhet më tej në deklaratën e sllovenit.
Soltes ka folur për rëndësinë jetike të respektimit të ligjit, e sidomos nga akterët politikë.
“Respektimi i ligjit duhet të jetë primare dhe po ashtu duhet të respektohet nga të gjithë politikanët e involvuar”
“Dhe po ashtu shpresoj që të bëhet së shpejti liberalizimi i vizave dhe të ketë sa më pak pengesa në këtë rrugë”.
