Zëvendëskryeministri dhe Ministri i Punëve të Jashtme të Kosovës, Behgjet Pacolli ka pritur në takim ambasadorin e Shteteve të Bashkuara të Amerikës, Greg Delawie.
Ai përmes një postimi në Facebook ka njoftuar se ambasadorin Delawie kanë biseduar për zhvillimet më të fundit politike në vend.
Postimi i plotë:
Zhvillova një takim të rregullt pune me Ambasadorin amerikan në Kosovë, z. Greg Delawie. Shkëmbyem pikëpamjet mbi zhvillimet më të fundit politike në vend dhe bashkëbiseduam në mënyrën më miqësore mbi koordinimin dhe bashkërendimin e hapave dhe veprimeve të vendit tonë në marrëdhëniet me jashtë.
Mbështetja e ShBA-ve, si aleat strategjik i vendit tonë mbetet e pazëvendësueshme si në aspektin e zhvillimeve të brendshme politike ashtu edhe atë të forcimit të legjitimitetit ndërkombëtarë dhe anëtarësimit të Kosovës në Organizatat Ndërkombëtare.
Përjetësisht mirënjohës ShBA-ve për atë që kanë bërë dhe po bëjnë për Kosovën.
