Opinionisti Sulejman Mehazi ka komentuar vizitën e kryeministrit Zoran Zaev në shtëpinë e kryeministrit Ramush Haradinaj.
Ai ka pyetur se prej nga po vjen kjo miqësi në mes të Zaev dhe Haradinaj, përcjell Bota sot.
Postimi i tij i plotë:
Prej nga kjo miqësi e menjëhershme e Zaevit me Haradinajn?
Edhe pse popullata shqiptare në Maqedoni, po edhe në Kosovë s'e shprehin habinë e miqësisë familjare të Zaevit me Haradinajn, ama se kanë mbetur me gishta në gojë, po se po!
Prej nga kjo miqësi e menjëhershme familjare e dy kryeministrave të shteteve fqinje?
Kush ishte ndërmjetësues kryesor i kësaj miqësie dhe ku është qëllimi i kësaj miqësie?
Mos ndoshta?, miqësia e moçme e Menduh Thaçit me Haradinajn ka bashkuar familjarisht Zaevin me Haradinaj për të hyrë fuqishëm PDSH-ja me poste qeveritare në qeverinë e re të Zaevit?
Mos ndoshta?, Zaevi duke ditur marrëdhëniet e ftohta politike të Ramush Haradinajt me Ali Ahmetin, e për ta mposhtur BDI-në, njëkohësisht, frikësuar kryetarin e kësaj partie, miqësohet me kryeministrin e Kosovës?
Mos ndoshta, miqësia e dy kryeministrave bëhet kurth politik për BDI-në shkaku i grupit të burgosur të Kumanovës, të cilët gjatë luftës në Kosovë ishin bashkëluftëtarë të Ramushit.
E shumë ndoshta e ndoshta të tjera...