Disa ditë pas zgjedhjes së Shpend Ahmetit në krye të Partisë Socialdemokrate kanë ardhur disa akuza të reja se kush është themelues i kësaj partie.
Pas disa negociatave në mes grupit të anëtarëve të dorëhequr nga Lëvizja Vetëvendosje dhe një prej anëtarëve më të vjetra të PSD-së, Kaqusha Jasharit, ky grup i dorëhequrve morën drejtimin e partisë.
Mirëpo Luljeta Pula një ish politikane pretendon se për PSD-në nuk mund të vendos vetëm Kaqusha Jashari. Ajo ka thënë se Shpend Ahmeti kryetari i sapo zgjedhur i PSD-së, është dashur të bisedojë edhe me Pulën, pasi kjo thotë se është themeluese e kësaj parti.
Mirëpo për të gjitha këto akuza dhe vlerësime, Kaqusha Jasharit nuk është duke i interesuar.
Kaqusha Jashari ka thënë se nuk janë duke i interesuar vlerësimet e Luljeta Pulës.
“Nuk po më interesojnë vlerësimet e Luljetës e cila nuk është themeluese e PSD-së e qëndrimi im ndaj Millosheviqit është i njohur”, ka thënë Jashari për Insajderin.
Pula thotë se Kaqusha Jashari ishte njeriu më i afërt i Milloshevicit në Kosovë dhe në të njëjtën kohë kuadër i Ali Shukrisë.
“Kaqusha Jashari ka qenë e përzgjedhura e Milloshevicit. Mendoni që pa izen e Milloshevicit do të bëhej Kryetare e Komitetit Krahinor. Ka qenë kuadër i Aliu Shukriut, fytyrës më të urryer ndër shqiptarë”, ka thënë Pula.
Shpend Ahmeti është zgjedhur kryetar i Partisë Socialdemokrate në fillim të kësaj jave, ndërsa ish-lideri i Lëvizjes Vetëvendosje Visar Ymeri është zgjedhur nënkryetar i PSD-së.