Ish-zëvendësministri dhe zyrtari i LDK-së, Bajram Gecaj i është përgjigjur Besnik Tahirit për ligjin e Kryeqytetit.
Gecaj duke komentuar deklaratën e Tahirit se “Nje projekt madhor i Qeverisë Haradinaj kaloi! Parlamenti i Kosovës, pas 10 viteve e votoi Ligjin për Kryeqytetin....”, ka thënë se projekti i tillë është marrë i gatshëm nga Qeveria Mustafa.
Gecaj madje ka ironizuar duke thënë se projektligji ishte dërguar i paprekur fare e i papërfunduar tërësisht.
Postimi i plotë i Bajram Gecajt
Besnik Tahiri: “Nje projekt madhor i Qeverisë Haradinaj kaloi! Parlamenti i Kosovës, pas 10 viteve e votoi Ligjin për Kryeqytetin....”
Me gjithë respektin që kam për ty Besnik, këtë projekt e keni marrë plotësisht të gatshëm nga Qeveria Mustafa, dhe veprimi juaj i vetëm “madhor” ishte dërgimi i tij në Kuvend. Madje, projektligji ishte dërguar i paprekur fare e i papërfunduar tërësisht, dhe me mangësi të cilat deri diku i ka korrigjuar Kuvendi vetë!