Ministri i Infrastrukturës dhe anëtar i kryesisë së AAK-së, Pal Lekaj, bashkë me përfaqësuesit e Komunës, sot kanë inspektuar zhvillimin e punimeve në ndërtim të rrugës që e lidhë këtë pjesë me qytetin.
Ai këtë e ka bëtë të ditur, përmes një postimi në llogarinë e tij në Facebook. Lekaj, tutje, shkruan se, dinamika që sot është në këtë drejtim na jep besim që brenda 3 viteve të ardhshme të gjitha rrugët në qytet dhe në fshatra të Gjakovës, do të rregullohen.
Ja postimi i plotë:
Gjakova ka mbetë që sa kohë pa investime në infrastrukturë rrugore.
Dinamika që sot është në këtë drejtim na jep besim që brenda 3 viteve të ardhshme të gjitha rrugët në qytet dhe në fshatra të Gjakovës, do të rregullohen.
Sot në Doblibare të Gjakovës, bashkë me përfaqsuesit e Komunës, inspektuam zhvillimin e punimeve në ndërtim të rrugës që e lidhë këtë pjesë me qytetin.
Nuk do të ketë ndërprerje dhe tejzgjatje të implementimit të projekteve, për këtë do të jemi garant ne.
